Beder Center for Future Studies & Consultancy - aqoonyahan weyn oo soo boqday xarunta beder

Xarunta Beder ee Diraasaadka Mustaqbalka iyo talo bixintu waxay ugu tahniyadeynaysaa dhamaan bulshada soomaaliyeed bilashada bisha barakeysan ee Ramadaan, ilaahayna waxaan ka rajeynaynaa inuu dhamaanteen ina waafajiyo ka faa'iidaysiga fursadan qaali ah.

Xarunta BCFC waa xarun u adeegta bulsho weynta Somaliyeed ee ku dhaqan geeska Africa.

waa xarun ku salaysan aragtida islaamka ee nolosha, una taagan Islaamiyeynta aqoonta iyo hanaanka maaliyadeed ee geeska Africa.

Ma hubsatey sharcinimada xidhiidhka ganacsi ee aad ku jirto maamul ahaan iyo adeeg ahaan midna, mase u bandhigtey sharciga islaamka, haday jawaabtu tahay maya ogsoonow xarunta Beder waxa loo yagleelay inay arintaa kaa caawiso.

Xarunta Beder Ilaahay mahadii waxa ay ku guuleysatey inay marti qaado Professor Abdul Hamid Alba’ali oo ah aqoon yahan caalami ah oo aad laga yaqaano aduunka kuna takhasusay shareecada islaamka, dhaqaalaha, bangiyada iyo guud ahaan mu’asaadka maaliyada ee islaamiga ah , si uu u bixiyo siminaar lagu lafo-gurayey Hay’adaha Maaliyadeed ee Islaamiga ah, qaab dhismeedkooda, sida ay u shaqeeyaan iyo weliba qaabka ugu haboon ee looga hirgelin karo Somaliland iyo geeska Afric, halkan ka akhri ka akhri faahfaahinta arintan

Waxa Ilaahey mahadii ay Xarunta Beder ee Diraasaadka Mustaqbalka iyo Talo-bixintu soo gabogabeysay, tabobar ku saabsan qorsheynta istiraatiijiga ah, oo loo qabtay agaasimayaasha iyo madax kale oo metelayey in ka badan 13 shirkado ganaci iyo hay’ado waxbarasho.

Workshopkan oo uu soo jeedinayey Dr Xasan Faarax Bayle (xasan suuri), waxa lagu qabtey hoolka shirarka ee Hotelka City Center ee Magaalada Hargeysa, waxaana ka faa’iideystay in ka badan 30 xubnood.

Xarunta beder waxa ay soo gabo-gabeysay koorso tabobar loogu magac darey “ Models of Teaching-developing effective learning” taasoo ay ka faa’iideysteen 30 macalin iyo kormeere ka kala socday qeybaha waxbarasho ee magaalada hargeysa, ta dawladda iyo ta gaarka loo leeyahay.

Iyadoo koboca nidaamka maaliyadeed ee islaamiga ahi uu si xawli ah u korayo, wadankeenana ay ku soo wajahan-yihiin baanan badan oo doonaya inay gobolka ka hir gelinayaan nidaamka maaliyadeed ee islaamiga ah, waxa Xarunta Beder ay bixin doontaa koorsooyin ku saabsan hanaanka maaliyadeed ee ay u shaqeeyaan baananka islaamiga ahi, sidaa awgeed waxaanu kugu dhiiri gelinaynaa inaad meel dhow kala socoto koorsooyinkaas, kana faa’iideysato fursadaha gaarka ah ee xaruntani goonida la tahay.

gain easy

Main Menu

Our Programs

News & Events